熱血時報 | 政總一役令身在戰線的我第一次發寒 | YS小姐 | 專欄部落
這篇文我係用個人身份寫的，不代表我的團隊或者隊員或者醫療隊。從來處理受傷比一切更重要，因為人命黎架。
我對佔領區的分歧、大台事件甚至運動轉化從來不會怪責任何人，我當然會有個人的政治立場。在928發生之前我都只係普通一個學生，從來沒有想像過要用我身上那個急救牌，因為教我嘅 master 講過佢有學生曾經幫過人做CPR（心肺復甦）都救不了那個途人，事後那種內疚、無力感是要消化的，而我們跟醫生是有分別的，路邊救人隨時惹禍，要諗清諗楚，而急救既知識有時候專科醫生都 未必識，大家係有分別的。
我覺得好難所有人睇到同一個視野，許多東西靠分享靠時間傳播，從來我都係好抽離的，因為身為救護隊的人就要保持中立，組成都有不同以保持專業：無國界醫生、護士、醫科生、護士學生、醫療輔助隊、急救員等。現場記者、示威者、佔領者、路過的途人甚至警察我都會救，因為我們受《日內瓦公約》保護就有一個宗旨：我們都有情緒，但我們堅守道德的中立。
但是1130我看見了一個羅馬鬥獸場，我都算是個守過旺角的人，大事件發生的時間，雖然站係金鐘但我哋都會過去幫手，旺角黑夜、光復、山東街、1129鳩嗚。旺角的兩個月係用血換來的，第一身見到的我是清楚的，我朋友的光譜有本土、勇武人、左膠、 babykingdom ching 等，我從來都好包容。
但我星期日那晚我們有成幾廿個 rescuer 俗稱死士全部傷哂，連後面做救援那些都被打傷，更不要提最大嘅海富口臨時站俾班差佬做咗咩，要 first aider 自己做人鍊，救佢又被打，被圍困。有急救站被清洗，其實你唔需要講你係點衝擊，你提早些同人講搬走大部分野，應該唔難。
夏愨有個 first aider 做 coordinator 嘅，我哋有幾廿個哨連埋防線，同你講前線出水啦、上頭盔啦、要遮呀！你大台唔知邊度來嘅肥仔喺度按按按按手機，我知消息要 confirm，但同你講完十五分鐘大台先講人都死得啦！啲人走到過去冇事，又散。第一次衝突喺十點幾，再嚟一定喺尾班車之後，你有沒有提人準備，警察四個鐘頭換一次班知唔知！三點那輪六個 PTU 鏟上添馬，清晒成條路，喺我面前，patient喺我身邊，有人大叫唔好走呀，我哋夠人呀，救人呀，人不停在我身邊行過。結果完咗仲要再重佔，這些係攬炒呀！仗唔係咁打！你同個無恥國家機械唔好講感化啦！第二日朝早，我哋嘅人燥到叫佢哋「我講咩唔該你大台講返咩」。成大堆人喺夏愨防都唔防，淨係喺橋底打口水戰，搞到我哋嘅人被圍困，仲要我們嘅人自己上台講返請警察放返邊個邊個。
你升級就預咗人衝， 你唔用暴力對警察冇問題，但你保護好人未，金鐘咁大個場你用，你唔練下預演下，下下嗌咪、開會？你阻住個進展，結果只係不停流血，你升級話如果保護人嘅掉雜物係唔會開咪阻止的話，你預得升級同有衝突場面，點解你開咪叫人衝夠坐低！知唔知幾廿個醫療隊每人做成幾廿個 patient，爆頭、打腳、中椒、損傷、哮喘等，慘不忍睹。最重要有班師奶想幫手，但係又唔識，最後令中椒者更痛！你做得升級有沒有教人點自己前線洗椒，有沒有喺當晚大會同人講點圍堵政總，大家都唔知去邊，然後又得一個突破點，同 FB 那幅圖完全相反。封海富橋，冇得走，朝早就困獸鬥對著那班藍衫特警，我哋著住反光衣叫唔好打。喺旺角有班義士保護我哋同埋其他人逃生，仲有旺角嘅前線係可以信任的，我哋可以廿米前就前線就 set 臨時點，但我都未如此近距離見到防暴，隊友被扯口罩打，想走人嘅，退路仲要被豬的隊友封咗，喺橋度困死咗一班傷者。。
當晚我真的很想怒吼未有準備過嘅唔好上前線，第三行嘅女仔頭盔都冇個！花生友就咩都有。未受過椒最低限度戴返個眼罩同 facial shield，起碼唔使眼盲咁要人抬，仲有出到嚟冷靜啲好冇，除哂衫喺地到 fing 來 fing 去，大佬你中椒，我都俾你搞到成身都係，我仲有其他人要救，戰場上時間就是金錢，我要盡快幫你開眼，你唔該合作啲！仲有差佬嘅生化武器多咗種類、勁咗，唔好以為旺角友中完洗完行返出去係易事！花生的唔該幫手傳物資，唔該前線散咗，組返條線，中間被突破，人夠多救隊友！添馬應該係後方，但我哋五秒唔夠啲人係走到，將我們 first aider 變哂前線，難道我將傷者掉低？我大叫慢慢退，一邊盡快處理傷者，我從未有如此驚恐，感覺我比人們更清楚做緊咩，究竟而家邊個去示威圍堵。
大台嘅失誤，政總一次、立會、仲有今次。我知雙學一定唔會再搞這種升級，發生咗就係發生了，但你今次咁多流血，你做文宣要用返啲相、片同人講發生咩事！同啲溫和派包括你們自己睇清楚，旺角路人都可以被打，你們抗爭唔做前線，但條戰線後防需要點樣點樣，點保護，比起小組討論仲有許多實際東西可以做，你先吸到舊客，他日或者即使你們退出佔領等啲人自發行動，唔做策劃者，犯過那麼多次錯，唔該知道返而家要抗爭原來係這樣的，這樣先可以減少悲劇，面對現實。
最後我的心真的好痛，為著我處理過的傷者、同伴、被捕者，仲有沒有人道考慮的警隊，大家嘅香港。
從我的 iPhone 傳送
沒有留言:
張貼留言