【沙展說「慢慢黎有排玩」 被逼吞香口膠 脫外套行凍刑 曾先生：人生最難過21小時】

這已不是我認識的香港警察。
請支持曾先生取回公道，同意請讚好示意！請廣傳！

【沙展說「慢慢黎有排玩」
被逼吞香口膠　脫外套行凍刑
曾先生：人生最難過21小時】

12月10日, 去到潮聯小巴站附近既時候, 身邊有人叫警察開路既時候,
企係馬路既警察忽然間沖埋去拉果位學生出去,
但之後就變左我比兩個警察捉住左, 拉左出馬路,
我見到就第一時間拉返個學生走, 同時推開個警察隻手,
幾個警察按低我, 再用索帶綁住我雙手, 之後又拉我起身差住我條頸帶左我上架私家車.

上到私家車既時候, 兩個便衣第一時間拎左我手提電話,
因為本人電話無密碼, 個便衣即刻開左我電話記錄 & WHATSAPP記錄黎睇,
之後再熄機袋埋我部電話, 再拎埋我銀包入面所有野出黎, 之後再拎走我張ID Card,
之後我問佢地拉我D咩, 坐司機位既沙展話我襲警拒捕, 仲話已經影低晒你今次衰硬,
之後我話一日法官未判我有罪我都係無罪, 個沙展就話: 我拉得你就一定夠晒料, 洗定個屎忽過聖誕啦!
之後我身邊既另一個便衣發覺我個口係食緊香口膠, 佢叫我吞左去, 一係就吐落地下直接罰1500,
呢種情況我真係第一次遇到, 我當時真係唔識比反應, 我無理到佢,
之後我身邊果位便衣就大大力鏈我膊頭個位,
我痛到叫左出黎, 再叫我吞左去, 我被迫吞左之後, 個便衣仲同我講話懷疑我口內藏有毒品,
要我張開口比佢check係咪真係吞左.

之後個沙展同個便衣講慢慢黎有排玩, 之後佢開車, 一路去到旺角警署我都一直比人鏈住,
到落車既時候, 因為兩隻手比人係後面綁住, 仲要係私家車, 跟本無手開門, 之後要係身邊個便衣既車門落,
同埋因為雙手係後面, 想保持住自己平衡落車果陣我係彎低身同垂低頭, 點知一落到車就比個便衣差住我條頸黎鏈,
入到去佢地剪開左索帶, 即刻叫我簽份被捕人士需知, 之後我話想打電話返屋企,
個沙展話懷疑我部電腦用黎呼籲人地出黎集會, 有可能會通知其他人刪除D證據扔絕左我,
之後再拉我入間房搜身, 皮帶, 鞋帶全部都除晒出黎, 外套都比佢地拎埋.
行每一步路都怕自己甩鞋甩褲, 而變得行好慢, 但佢地又會差住我條頸要我行快D,
我果陣既屈辱感真係好大, 好辛苦.

之後比佢地鎖左係一個好細好細既覊留室入面, 係o係佢地既backdoor office入面, 坐左好耐好耐, 側邊另一間都坐左個呀叔,
我坐埋去佢果邊, 問佢因咩事入左黎, 點知出面有個女警好大聲鬧我地, 呢度差館黎, 幾時比你地傾計? 咁我就無再出聲坐左三個鐘.
但因為外套都比佢地收埋, 又係冷氣房, 我已經凍到好難受, 我問佢地可唔可以比返件外套我,
個女警話因為我件外套有繩係度, 怕我會拎黎自殺所以唔得, 之後再話毛毯已經派晒, 叫我忍下,
足足過左兩個鐘, 佢地終於放我出黎, 之後佢地叫我簽張紙, 係登記我身上既財物既, 我睇晒簽完之後,
佢地就開左度門, 帶左我入去一個真正既覊留室度, 入面無冷氣, 但仲凍過有冷氣10倍,
入面係一間好大既囚室, 坐左係張石櫈度, 成個人凍到打晒冷震, 我問佢有無熱水, 但佢最後拎比我既係一杯好凍既凍水.
由凌晨1點一直凍到第2日既夜晚10點, 同一間房既係兩個大陸落黎偷野既犯, 我到底做左D乜, 點解我會同呢兩個人一樣坐係度?
其間食過佢地既早餐, 一個我出世到而家食過最難食既火腿通粉, 以及一個茄汁火腿蛋飯,
但當時係凍到只想有少少熱野入口就得, 實在極之難受...
人生最難過既21個鐘, 真正既饑寒交逼我估唔到會係香港呢個國際大都會下感受到.

直到當晚10點, 鏈我頸既果個便衣, 帶左我出黎, 話同我落口供, 係行樓梯上口供房既時候,
佢不停問我洗唔洗請律師, 之後再帶我入廁所, 話何必洗幾千蚊搵律師,
佢都只係叫你乜野都唔好講, 唔需要晒D咁既錢,
一直去到口供房, 佢都不停說服我唔好搵律師, 最後我答佢: 嗯, 我唔搵.
之後佢帶左我去落口供, 但唔係我想像中既口供房, 而係一間用CAM錄影住既口供房,
佢一直問我問題, 但我只係答左佢我既名, 年齡, 其他佢問我既野我都只係答佢: 我無野講
我睇住個便衣既表情越黎越惡, 佢之後show左一段我過馬路既片比我睇, 我照樣無理到佢,
到錄完口供, 佢話我唔合作, 只會落更加多charge, 之後帶返我落backdoor既office入面搞保釋,
我實在忍受唔到呢種氣溫下面只係得一件恤衫, 我真係頂唔順, 唯有保釋...
之後拎返個人財物, 但唔包括電話, 連sim卡都無得拎返, 佢話係證物, 之後再要我每個月返去報到.

警察濫權濫暴很需要大家關注，請對專頁讚好，關注議題：
https://www.facebook.com/StopTortureHK

從我的 iPhone 傳送