蔡瀾大馬出席慈善書法展
談笑風生好精靈
提倪匡黃霑黯然 爆粗笑謂：
「_你老_，走得咁快，冇等我一齊！
年初為救妻子跌傷 「骨頭斷晒，好慘，痛苦」
#蔡瀾 今年3月因「跌了一跤，把股頸骨摔碎了」，社交平台暫停更新，不少人關心他的近況。至上月31日﹐有內地網民分享影片，稱在馬來西亞見到蔡瀾，由一位男士為他推輪椅，身穿頗厚的衣服，戴上頸巾。有報道形容蔡瀾「老態龍鍾令人擔心」、「精神麻麻」，並引述網民留言指：「蔡瀾老成咁？」
蔡瀾此行到大馬出席「《 #草草不工 》慈善書法展」開幕禮，前日（9月1日）還舉行記者會，非常精靈，談笑風生， #鍾楚紅 還特地飛抵當地支持蔡瀾。
【憶述跌傷經過 「好慘，痛苦」】
記者會長約16分鐘，蔡瀾笑道：「做人最幸福就係升官，發財，死老婆，我而家差唔多三樣嘢都做到喇。開玩笑啫！梗係唔希望自己老婆死啦，但真係呢，呢個老婆箍住我條頸，箍咗幾十年。」面露微笑，續說：「佢已經84歲，佢跌到，我衝去救佢嘅時候，我自己又跌到，佢就過咗（傷勢）喇，我就骨頭斷晒。」
蔡瀾形容，受傷那段時間「好慘」、「痛苦」，後來他想起摯友 #倪匡 生前一番話：「呢啲痛苦係真嘅痛苦，真嘅痛苦嘅時候，點克服佢呢？就係食必理痛。一粒唔夠（食）兩粒，當花生食，呢個係會醫你生理嘅痛苦；心理嘅痛苦呢？諗起就痛苦，嗰啲係諗出嚟嘅，如果你唔去諗就冇事，所以我盡量唔諗。」之後他索性賣樓，套現租樓，新屋臨海，「日日望住啲船來來去去，而家生活得好，冇咩事。」
【「有一件事我很想做，就是開青樓」】
說完開場白，蔡瀾頓了頓，笑謂：「我真係唔識自言自語，有咩問題大家問，我回答。」現場傳來一片笑聲。有人問他對年輕人有何忠告，他說：「年輕人聽日就變老人，好快，所以唔好以年輕人自居。」自言無甚忠告，只有一句：「讀多啲書，學多啲嘢，唔好打咁多遊戲機。」眾笑。
另有人問如果他仍是年輕人，想從事甚麼職業。蔡瀾不疾不徐道：「（國語）以前我想做很多事情，但是都來不及了。有一樣東西，像寫書法，我做到了。有一件我很想做的，做不到，就是開青樓。」
【提倪匡黃霑黯然】
有出席者發問前，禮貌地問可否以國語發問，蔡瀾即如數家珍謂自己會說很多語言，國語、廣東話、潮州話都會，還懂一點馬來話；就連泰國、印尼、西班牙、南斯拉夫語都會講，「我會講…我忘記了，很多的話，但是，都是點菜而已。」
蔡瀾的風趣幽默跟從前沒兩樣，大家圍繞的問題也不離吃和書法。一位男士突然問：「如果倪匡同黃霑生勾勾喺你前面，你有乜嘢想同佢哋講？」蔡瀾即說：「如果我再撞到佢哋係咪呀？『_你老_，走得咁快！冇等我一齊！』」哄堂大笑，他也不禁笑了，未幾低頭沉思，那男聲再問：「有冇成日掛住佢哋？」蔡瀾點頭不語。
【「與其說我是書法家，不如說我是玩書法家」】
今次慈善書法展是蔡瀾提議，本於2020年舉行﹐惟因為疫情擱下；年初蔡瀾跌傷，但一直惦掛這個展覽，至本月終於成行。他說：「與其說我是書法家，不如說我是玩書法家，書法玩家。我隨便寫寫，輕鬆的，我的書法很輕鬆。」
「為甚麼不能把輕鬆的掛上去？沒有理由嘛！所以我是越輕鬆越好，書法展也是很隨意，我一決定做慈善的時候，整個人輕鬆下來。」還笑謂善長買了他的書法，可以貼在牆上，「你買股票賺錢了，但是你不能把股票貼在牆上。」
另有人問他最愛大馬哪種食品？他想了想：「炒麵，榴槤啦，榴槤啦，榴槤。榴槤。」連說四次。貓山王是他至愛，香港地道食物則是燒臘，叉燒乳豬。「我最近去一間乳豬舖，咁大隻（以手比劃大小），將佢片皮出嚟，切成一塊一塊，一口一口。」不是中環__記。
#娛壹
⌘ 從我的 iPhone 傳送 ⌘
