一段回覆

都預畀五毛洗版，不過我都係答下你喇。

引用:

我由學聯佔領公民廣場開始對依班人既所作所為開始反感 一開始完全唔理解你地點解要衝擊公民廣場 但事致到佔中三子發起佔中到學聯"代表"香港市民發聲果陣終於明

其實師兄你一開始就感情戰勝理性咁浪漫，我都唔知點應你…

佔中代表全港、愛港之聲又代表全港、特首又代表全港、警察又代表全港，你睇唔睇到有幾膠先?

引用:

就因為公民廣場叫公民廣場就屬於我地?警察叫人民公僕 我可唔可以叫佢幫我買外賣? 唔得？點解唔得呀?公民廣場就等於我可以自出自入無皇管 錦點解人民公僕唔可以幫我買外賣?

公眾用地就係屬於所有香港市民。你絕對可以叫阿sir同你買飯，不過佢可以話你痴線唧，無o野o架，好自由。除非塊地識話你痴線、推開你，否則任何阻礙都係人為。人為就有人為o既原因，咁個原因就好值得深思。

引用:

由一開始 就以香港市民既同情心黎進行一連串行動 到佔領金鐘 銅鑼灣 旺角 就話自己代表全港市民爭取公義 但有無諗過你地拎緊邊個既籌碼黎賭?一班辛辛苦苦工作人既三餐黎賭 你地有無捱過世界 真真正正明白佢地既需求 佢地既聲音?

你講得咁浪漫，師兄一定係楊過 

同你講現實d，做任何o野都要籌碼，你唔夠籌碼玩對家，怪得邊個？有唔少香港人就係想上街，喂，人地都係有工要返、有書要讀。係，你可以話人地自願，okay。你又有真真正正明白佢地既需求、佢地既聲音?

後生仔賺最低工資一世唔洗結婚生仔上車、媽媽買唔到奶粉、七八十歲婆婆汁紙皮捱提子包蒸餾水、巴士繼續賺又繼續貴、高鐵又超幾十億，不理盡錄。

引用:

若談理想 每個人都有自己既理想 但所謂既理想需要同現實掛勾 如果你一日三餐都無 錦有自由又有咩用？更可況每個人自由既定義都唔同 點解你地要用自己個尺黎擺係人地到？

楊過師兄，無自由又點搵一日三餐？祖國當年有一日三餐，三到大飢荒 ^^
每個人對現實o既定義都唔同，點解你又要用自己個尺o黎擺係人地到?

引用:

事至今日 你地失敗左 但仲要繼續挑戰法治 挑戰市民既忍耐性
想知道你地宜家又為咩呢？又係為緊自由去阻住人做生意？既然你地錦威點解唔佔領各區警處？我敢講係因為你地無膽！

法治，對唔住笑左。日本皇軍三年零八個月都係法治，慰安婦(話係軍須品)、殘殺平民(話係間諜)
。

宜家為乜？由始至終都係為香港人自主，無他。人地做生意就唔畀我出去旺角行夜街睇o野買o野？咁又乜道理？特首都叫我地多購物呀衰鬼 

警署呢個想法其實唔錯，他朝成功師兄你會流名千古，我實封你做偶像

引用:

我並不代表全港市民 但我代表到我 我係香港永久性居民

從我的 iPhone 傳送