黃絲帶警察爆清場內幕？
昨晚在網絡上瘋傳一個訊息，一名聲稱「身在曹營心在漢」的黃絲帶警察在網絡上發放將會在兩星期內，警方對各佔領區清場的訊息，惹起網民爭議。
黃絲帶警察透露自己是一名駐守中區的IP，特首梁振英上京前，已經清楚所有佔領區的架構和弱點，並透露清場方式將會是強硬清場及打遊擊戰，主要用警棍打人和不停抓人，並以小隊型式行動。
另外，訊息中透露早前衝擊龍和道的網民和蒙面人，已滲透警方間諜進行活動。當時是測試警察回防需要多少時間，並希望知道市民主動出擊行動的反應。對於近日佔領區市民不滿金鐘大台，黃絲帶警察指有助他們清場。
消息瘋傳後，引起網民討論。有網民認為「雨傘運動」和平太久，尤其是金鐘佔領區，可以藉此加強戒備。不過，有不少網民質疑這是假消息，甚至是「左膠」偽造。網民認為「主要資訊講唔到，只講兩個點：1）龍和係鬼；2）無大台其實唔好」，覺得這個訊息可以不加理會。
時間證明一切，究竟這個消息敦真敦假，兩星期內就會知道。
=============================
黃絲帶警察訊息全文：
我係一個IP，守中區。網上好多人傳黎緊呢兩星期會清場。的確，實際日子我唔講得，一講就會黃。但希望下面既資訊可以幫到呢場運動。
其實特首上京之前，我地已經清楚晒所有佔領區內部既架構同弱點，預計用兩更時間就會完成清場。尤其因為上次催淚彈一役令我地內部士氣低落，今次應該會硬清場同打遊擊，所以請大家小心（即係主力用棍同不停拉人，以小隊型式行動）。
仲有，出龍和道個班所謂網民/蒙面人，其實入邊係有我地既同事。一來我地想測試自己人回防要幾耐，二來我地想知佔領既市民對於「主動出擊行動」既反應。我地都留意到你地有人係金鐘不滿講台既人，其實無指揮對我地行動更加有利，同埋我地已經target 左一堆經常上台既suspect，所以無咩所謂。
可以講既就係咁多，清場日子仍然得好少人知，我一講就會暴露身分。身在曹營心在漢，呢場運動一完我就會辭職。我唔知我地團隊有無所謂「黑警」，但只少我唔係！香港人加油！
=============================
設計、撰文@山卡啦
從我的 iPhone 傳送
沒有留言:
張貼留言