【傘下日月】攝記篇04——攝記兵哥
文/方曉盈 圖/鄧宗弘、郭慶輝
「有啲嘢，影到與影唔到，有時整定嘅，你唯有期望下一次有囉，我覺得有我哋嘅存在就總有人會幫手記錄到呢啲嘢，雖然唔係自己影，但最緊要有影像留到畀人睇，我睇一樣開心架，係咪先？」
十一月中，深宵兩點，銅鑼灣。攝記鄧宗弘提議逛逛佔領區，走着走着，看到海報上的獅子山「我要真普選」，談起自己因長假外遊錯過的畫面，竟比我想像中看得開。
阿弘背着塞滿重甸甸攝影器材的背包，外攜一個腳架袋，典型攝記模樣，卻沒有鋒芒，倒是有種溫婉，東張西望，細閱懸掛半空的單張，又端詳一座鳥籠crossover雨傘的裝置藝術。我在旁幻想，他腦袋會不會是長方形，view finder那樣。
他隨手指向一個躺在沙發睡覺的佔領者，「大街大巷銅鑼灣，喺棟樓下面，搭個帳蓬，瞓梳化，冚張被喺度瞓，呢啲係特別、唔會好正常咁發生，就係有趣，好值得記錄嘅嘢，你行過佔領區搵就係搵呢啲。」
或者因為阿弘佔領初段日子都是守夜，是晚走在佔區裏，像魚兒回到水裏，一轉背，他已經和幾個仍未入眠摺着小紙傘的佔領者聊開了。
阿弘少時當過學廚、打過散工，和新聞行業完全沾不上邊，雖然一向愛攝影，卻是3年前才輾轉當起報紙攝記來。他說以前很少接觸新聞、政治，入行站在最前線，愈見愈多才愈留意，就這樣遇上行家前輩口中所說罕見的歷史性大新聞。「前輩嗰幾句說話好深刻，令我諗起六四，嗰件事、嗰個廣場。」他說當然不想將兩事比較，但在攝影上，覺得自己有使命記錄「所見的影像」。
不過，阿弘的相機未拍下很多最暴烈的場面，最多只是學生爬入公民廣場後，示威者那個晚上和拿胡椒噴霧的警察對峙。「當時佢哋已經準備好可能會噴嘢，傳曬啲遮去前面，嗰個畫面都好有趣。」果真是view finder。「去到凌晨就靜咗，兩邊防線定咗，無再推進。」天光，警方蠢蠢欲動，示威者早已組織鐵馬陣，手翹手守着，「好搞笑架個畫面，你見到佢哋啲裝備好簡單，保鮮紙蒙眼，病時會戴嘅口罩，拎住把遮」。他憶述，這就成了一道防線。
回想學生爬入廣場那刻，阿弘正休班在晚飯，從電視目擊後愕然定格。第一次放催淚彈，他也正休班睡覺，後來晚上出動，只離遠見過防暴警擲了兩枚。
那晚他一覺睡醒，世界變晒，「知道錯過咗啲嘢」，「嗰刻你見證唔到，都有啲戚下戚下。不過無計嘅，我負責守通宵，一定要休息。」阿弘口中的攝記們好像一個兵團，「我哋心態係，同事一嚟，你就要即刻返去瞓覺、補充體力，你同事等緊你瞓醒嚟接。因為我哋人手唔夠，你都唔想大家咁辛苦啦。」「老細都要盡量留啲同事休息多啲，最後先再出動」，「咁大件事你嘭一聲出晒去，到12點鐘咪個個攤晒喺度？」
郭慶輝攝
佔領以後，阿弘就成了佔區夜遊人，自有通宵留守一套。「唔可以全程企，體力唔夠，有時行下一段，跟住喺馬路坐低。」「經過今次我發覺原來最好瞓真係馬路，中間個石壆位同背脊弧度啱啱好，真係好舒服架，舊石熱熱哋。」有一次就這樣不小心熟睡了一個鐘。
阿弘說，佔領期間比平日多見了攝記手足，大家都以「小心啲」問候、「take care」互勉。不止是攝記，同事的團結，令他更感動，「突發同事又會問你有無裝備，可以去邊度攞」，「你見到大家都好畀心機做」。他也替老細申冤，「如果人手充裕啲佢會舒服啲」。說罷就罵自己「衰仔」，佔領期間剛好碰上數月前規劃的外遊長假。人在異地，「其實都戚住戚住」，在街上一遇到有Wi-Fi就上網跟進香港情况，每晚回到酒店，起碼用一個鐘追回公司群組至少逾千message和相片。
「呢間公司好奇怪，有個動力，你見到同事做得好，你會有動力再做好啲，好似大家鞭策緊大家咁，見到每日份報紙出到嚟，就會好有滿足感。」阿弘還是那樣溫婉說着。
他們的精彩圖輯：
【圖輯：政協謝幕 十大金句】
http://goo.gl/bDS95w
【圖輯：風雨下的佔領日記】
http://goo.gl/71uIx4
【圖輯+通識】V煞原型：16世紀的英國會爆炸
http://goo.gl/xwfTwx
【圖輯】V煞：影像和語言
http://goo.gl/qte4MW
【圖輯：傘布香港】
http://goo.gl/4jvSiG
【圖輯：風起了 傘還在】
http://goo.gl/FyqwdO
【政治鬼節 佔領下的萬聖】
http://goo.gl/GEkSoj
【圖輯】旺角：佔領之後 混戰之前
http://goo.gl/kAXUYk
【路障攻防 器與道的纏鬥】
http://goo.gl/eI3d08
【獅子山：望眾生】
http://goo.gl/wSzmfN
【旺角的意志：律法以外的對決】
http://goo.gl/2gtzqq
【圖輯】獅子山——同城效應
http://goo.gl/SRszY4
【路障風雲：竹戰】
http://goo.gl/Q7C89Y
【旺角：無盡的黑夜】
http://goo.gl/URGoYy
【金鐘：帳篷運動第一夜】
http://goo.gl/PfdIO7
【月夜、越夜】
http://goo.gl/rJHp3n
【佔鐘：佔領之核】
http://is.gd/QYYlRF
【旺角：黎明前後。黑、白、灰】
http://is.gd/Eo4Ain
【旺角：對話前的寂靜】
http://goo.gl/D0aRi1
【旺角黑夜：交鋒、狂奔、接吻】
http://goo.gl/7OKGUG
【旺角黑夜：黑社會、佔中、警察、記者】
http://goo.gl/DChC4b
【旺角黑夜：躁動、疲累、重奪】
http://goo.gl/PxqliW
【旺角衝突現場】
http://goo.gl/38Hzj8
【龍和道的左右互搏，路線之爭】
http://goo.gl/sSvJf1
【昨夜的傘。昨夜的人】
http://goo.gl/sSi5kt
按：明報職工協會傘下日月系列，留下日月伙伴們在採訪報道佔領新聞的種種記憶。
從我的 iPhone 傳送
沒有留言:
張貼留言