【網友分享】

【網友分享】我係一名廢中前線義工FA，工作原因唔方便自己出post唯有麻煩朋友代勞。

9月某日發夢被禁行街，但係我又夢遊出咗去，守咗一個下晝幫幾位記者朋友，手足洗洗TG，PS咁。大概8點幾銅記又水炮又裝甲，巡遊，我就跟住行去炮台山方向睇下有咩幫到手啦。

點知廢中真係廢中，唔記得未吔飯，行到去天后/炮台山附近，見到有間餐廳咪貢入去醫肚先囉，一入門口基本全餐廳望住我，果下先醒起我full gear緊，又反光背心又眼罩又豬嘴，坐低拿拿聲off load，費事嚇親其他食客。侍應哥哥好有禮貌叫我慢慢睇，過程果啲啦，我留意到坐近門口有對情侶個男既一直望住我，埋單時候仲同侍應哥哥一路講野一路拎轉頭望我，我心諗死啦，會唔會佢係blueshit要舉報我，影響到其他客人就唔好。

食到一半，個侍應哥哥同我講: 你一陣食完直接走，唔使俾錢。WTF!?我唔係後生仔，又唔係勇武，我有份工，我企圖解釋唔使請我，我ok的，佢用不可反駁既態度叫我收聲，唔好再講🥺我唯有趁佢地睇唔到既時候sip張一舊係碟底，我仲懶醒影相同班朋友講好在我都夠醒。hum hum聲食完我都走架喇，出咗門口唔夠10米個哥仔就追出黎(妖7)我，就出現以下對話

侍應哥:你係咪以為我地會睇唔到，你唔好玩野呀下

我:唔係，不過我覺得可以留俾其他有需要既小朋友，我只係。。。

侍應哥:你唔使講啦，頭先門口果枱客本身已經想請你食飯，但係佢講之前我地其實已經撕咗你張單。。。

下删200字

多謝你侍應哥仔

多謝你萍水相逢既情侣

多謝廚師大哥炒既飯，陰沉既一日感受到滿滿既暖意

祝侍應哥仔身體健康

祝陌生情侣百年好合，白頭到老

祝餐廳老闆生意興隆，客似雲來，我唯一可以做既就係略盡綿力幫你宣傳🙏🏻

#好人一生平安

#良心餐廳

#瑤柱蛋白炒飯加凍檸茶加良心等如無價

⌘ 從我的 iPhone 傳送 ⌘