【前線消防人員報料】

【前線消防人員報料】已check委任證

// 你好金水，我係前線消防員，我有d嘢想講。關於消防處高層開記招交待831太子站事件，佢地「有隱瞞」！佢地係包庇緊犯罪既警察！以下有幾點有好明顯既錯誤：

1。消防高層話當晚接觸既傷者都係清醒同埋有傷者話唔洗去醫院，但紀錄顯示1/9凌晨1時10分(A19090100117)荔枝角站有開call 6名傷者（唔同你拗人數問題喇），2個昏迷不醒，4個未知情況。

- 必須公開荔枝角站cctv去証明有冇人昏迷！

2。兩個昏迷不醒！你放喺月台冇適當治療兩個幾鐘！根本就係謀殺！

- 必須公開太子站cctv去証明有冇警察阻礙急救！

3。個阿sir話果晚地鐵站有18位著住黃金戰衣既消防員做緊嘢，有落月台幫手急救。果18位消防相信係做緊毛孟靜議員早前份資料裡面單no.2 alarm case(F1908310245)。我想講，做緊一單case既同事係唔會去幫手做另一單case囉！單MCI case既主管唔夠人手就會直接問control call增援！做緊火燭case點會去幫你做FR! 

- 必須公開太子站cctv証明有冇人做緊急救！

4。接番上面果18位消防同事，去做火燭case點會帶急救用品！下面月台絕對無資源去做急救！

- 必須公開太子站cctv証明有冇足夠急救用品！

5。照樣推斷，下面月台好可能得個PAO同幾個指揮官，一個頭部受到撞擊或者昏迷既傷者如果要做急救就要先確保頸椎穩定，至少要三個急救員去做嘢，得幾個人點可能做到急救？！點可能數得準人數？！

- 必須公開太子站cctv証明月台有冇足夠人手同埋有冇人喺PAO唔知情既情況下被帶走！

我想總結既係，前線同事佢地做到幾多嘢就一定會盡力去做！我指出d問題唔係想連累當晚既同事，而係呢單嘢情況十分嚴重！我地救唔到人絕對比你地更加嬲！當晚好明顯係d警察濫權阻止救護去救人，警察控制晒成個地鐵站運作，而警察犯法就要所有政府部門幫佢地抆屎！

⌘ 從我的 iPhone 傳送 ⌘