【網友親身經歷】
那天下午 到東涌購物 刺激經濟
買完野港鐵巴士停曬 唯有在碼頭等船走
突然有架巴士開出 人群一個跟一個
更有好客兄弟幫10幾個朋友付款
上層巴士的兩座位全變成三座位
坐著滿滿的陌生人 但有著滿滿的愛
此起彼落的打氣口號 伴隨著天真可愛的對話
: 太多人坐上層會唔會反呀
: 印度巴士都係咁啦 (笑)
: 但係架巴士係中國製造架喎 (爆笑)
: 坐地下 重心低d 冇咁易反呀
一開車 所有人拍手鼓掌 大叫 司機好波!
由6點半東涌上車 10點半仍未到青馬收費廣場
: 不如叫FoodPanda, 電單車應該好快到(笑)
: 大家有冇打邊爐相 救命呀
: 你肚餓都幫唔到你架張相
: 同左屋企人講打緊邊爐呀 (爆笑)
: Google搵啦 屋企人點會fact check呀 (笑)
: 我有呀 airdrop俾你
: 好呀 間野叫咩名呀? (又一輪爆笑）
: 轉彎啦 哩邊大家重心移過dd呀
小朋友真是純真得好可愛
...見到旁邊的士個錶已經$1800...(又一輪爆笑)
4個鐘過後 終於到達青衣收費廣場
好多好多好多好多好多家長接放學
一落巴士兩排家長列隊大叫有衫換有水有野食
好感動 身為廢中 第一次被接放學
#香港人加油
⌘ 從我的 iPhone 傳送 ⌘
沒有留言:
張貼留言