點解最近D催淚彈咁多煙同咁高温？

【點解最近D催淚彈咁多煙同咁高温？長文慢慢睇】

我唔係化武專家，只希望我嘅化學可以解釋到你嘅疑問！希望唔會講多咗敏感嘢，亦唔會太詳細。知道多D嘅朋友你可以留言，唔駛我講，以免我被人 ban。

催淚彈一般由 (1)彈身(有鋼)，(2)彈葯(如發射用，正常炸葯)同雷管，(3)催淚劑固體【主要係CS】，(4)發熱材料【以令催淚劑氣化分散】

各國嘅(1)(2)(3)都係相同，主要分別係(4)。

(3)【CS，O-Chlorobenzalmalononitrile】係固體，約100℃熔，300℃氣化，所以受熱會變成蒸氣，遇冷空氣變返微塵粒，被風吹到你眼、鼻、口，你就賴嘢。【由於CS  >400℃ 就會分解(咁就冇乜催淚作用，而分解產物有冇害就冇人知)】，而越高温，分解出嚟嘅嘢就越多，其中已知嘅有 HCl氣體(可導致肺積水)，HCN氣體 (山埃氣)，二惡英 dioxin (超級致癌物)。【基於呢個原因，各國都希望將發熱温度低過 450℃！】

(4) 主要由(A)氧化劑(oxidizing agent)同 (B)還原劑(reducing agent)組成。

(A)氧化劑各國大致相同： KNO3 及 KClO3 受熱分解出氧氣，而KClO3 更出埋 KCl 白煙

(B)還原劑【外國】：碳粉，矽粉 Si，糖，火棉 nitrocellulose，燃燒後可達温度最高1500℃，一般<1000℃，產品有 CO2， H2O，SiO2(白烟)

(B)還原劑【中國，伊朗】：鎂粉，鋁粉，火棉，燃燒後可達温度最高3300℃，一般<2000℃，產品有 CO2， H2O，MgO(白烟)，Al2O3(白烟)

由於中國貨產生 MgO 同 Al2O3 比外國貨SiO2 濃，重及大粒，所以中國貨D煙好白，而外國D煙 SiO2 細微，經光學現象 scattering 產生微藍色。

由於外國貨温度低，用水一淋立即收皮。而中國貨温度高好多，用水淋分分鐘水同鎂/鋁生成氫氣(爆得！)，好危險。用手摸一定燒傷，打中人就著火！更可以熔馬路上嘅蠟青！

而由於中國貨CS有高温分解問題，彈内嘅 CS 比外國多好多，分解出嚟嘅有毒嘢如HCl氣體，HCN氣體，二惡英亦比外國多好多。更加大鑊嘅係好多高温度CS分解產物冇人硏究過對人體短期及長遠有乜害！

【所以用中國催淚彈可以解決到嘅唔係政治問題，而係解決市民，必須立即停用！】

⌘ 從我的 iPhone 傳送 ⌘