快必高院怒爆律政司 黑警：垃圾！
我要投訴律政司同警方濫用司法程序，被捕人士先後被帶到兩個不同法庭，1月8日高院同1月14日九龍城裁判法院，後又放棄搞我九龍城單嘢。根據香港人權法案條例第8條十一（六）「仼何人依香港法律及刑事程序經終局判定有罪或無罪開釋者，不得就同一罪名再予審判或判刑。」
一地兩檢已荒謬，一罪兩檢更荒謬，在獨裁威權政府濫用司法程序下，没有最荒謬，只有更荒謬！我上次喺度鬧爆律政司一罪兩檢，而家你唔搞九龍城個單，即係知衰。我剛收到一份高院要審我呢份所謂清場當日時序報告，話我阻礙執達吏執行職務，即係點呢？即係兩條變一條告，告條較嚴重的：刑事藐視法庭。
呢個係政治檢控，法庭法律法院法治，應該係「爭取正義和公理，當即知即行」的地方，而不應淪為中共港共嘅打手，白色恐怖嘅幫兇，警察做政治打手幫兇，法官做埋政治打手幫兇，這個代價，將由所有香港人承受。法官你頭先都話法院唔應該處理呢件事，你應該拿岀道德，良知，勇氣，法治心大聲斥責律政司政治檢控我哋，不要做沉默幫兇。否則，高等法院將易名為低等法院。
另外，法庭如果打算撤銷我九龍城控罪，點解要等到1月14，而不是即時撤銷？在這段期間我人身自由被無理限制，我仍被限制去旺角，點解九龍城唔快d搞？等等等等等，高等法院要改名齋等法院。雖然你頭先話自己冇權處理九龍城嘅事，但良知，常理不應受唔同法院藩籬所區隔嘅，切勿推卸責仼。叫垃圾袁國強搞搞！
最後，我反對律政司意見將所有被指藐視法庭嘅人一併進行審訊，所需時間冗長，所需訟費驚人，好多學生，年青人，甚至我本人也不準備用鉅大費用打官司，申請法援，是不包括打刑事藐視法庭嘅，我想問法官，這一切對我等被捕人士之不公平，是否你學習法律尊業時，所領受的「爭取正義和公理，當即知即行」原則呢？
從我的 iPhone 傳送
沒有留言:
張貼留言