TVB維穩維到好disturbing，我好想嘔。

TVB維穩維到好disturbing，我好想嘔。

搵彥霖媽媽做專訪無問題，但係媽媽的說話咁多問題，咁多令人難以置信的解釋，點解記者唔追問？

1. 彥霖剝晒衫跳海「全裸自殺」媽媽覺得無問題？

2. 彥霖無睇過精神科但媽媽好肯定彥霖有精神分裂？

3. 媽媽在CCTV咁低清都睇到彥霖「神色有異」，而且可以一睇個樣就知彥霖想自殺？

4. 媽媽話彥霖7月時覺得「運動變晒質」，但係彥霖8月拍片在示威現場話「我都係香港人」，好明顯對運動仲有強烈熱誠，媽媽是憑什麼指證彥霖無再出去？

普通香港人都想得到的問題，記者一條追問都無？做記者唔係搵出真相嗎？

如果我係記者，我搵到咁重要的獨家source講野，絕對會有幾detail問到幾detail吧？如果我係新聞主管，我唔會只做一單晚間新聞RVO，至少做一集新聞透視拉高一整個小時的rating吧？

▉ 細看單新聞是邊個垃圾記者做，嚇親，做單專訪竟然出動到新聞副總監黃淑明？！

▉其實諗落原因好簡單：無任何記者信得過，無任何記者係totally controllable。重要的維穩工作唔可以有差池，唯有自己出馬。

至於個source從哪裡來，wild guess，差佬feed的吧。姓袁的同PPRB月月有飯聚是常識吧。

預設的問題，預設的答案。

1991年有袁志偉專訪李鵬，2019年有黃淑明專訪可疑屍體的涉事母親。

共通點？都是政治任務。

昨日踫見一位教授。教授說，他教過黃淑明，學生時的黃淑明好nice，不是現在這樣的。教授嘆息，新聞界毀了在一些人的手中。

早幾日好友亦跟我分享了一件事。10月1日，深水埗的士司機踩油撞斷23歲女生雙腿，女生面臨終生殘廢。好友深藍的屋企人幽幽地對她說，「我覺得TVB好唔可信。」好友驚奇，「你竟然會咁講？」屋企人答，「深水埗司機撞傷人，TVB完全沒有提及過。我以後唔會再信TVB了。」

仲喺TVB新聞做緊嘢、幫緊TVB新聞做嘢的每一位前同事，你們知道嗎，香港人已經離棄了你們，趕快離開才能堂堂正正做人。否則一段在TVB新聞部工作過的CV，足夠令你們遺臭萬年。

圖片取自LIHKG

⌘ 從我的 iPhone 傳送 ⌘