轉：黃藍之移民論

《移民論》

自《蝦餃論》「出籠」之後，有不少藍絲朋友上門挑機，其中包括朋友Tracy。

不過Tracy同我講左唔夠三句就好快出「超必」：

「Sean，既然你同你班曱甴咁唔鍾意香港，就請你哋盡快移民啦！」

通常出得「超必」嘅朋友，都係因為抝你唔過，又要搵位落台。咁我呢個cheap精又點可以錯過 cap 水機會呢。

「好啊Tracy，依家去加拿大投資移民最少要成千萬，你畀$1,000萬現金我，我今晚即刻執行李。再唔係你好似謝 sir 咁，幫我去美國坐返幾年移民監，我即刻跟你走。」

我見Tracy 呆一呆，我就即刻搶着答：

「你唔好當啲移民輸入國係傻㗎啦。所有傳統移民大國想進口嘅，都係另一個國家嘅 Best of the Best。佢哋一係 High net-worth（高淨值 i.e. 有好L多錢做投資移民）、一係就係高學歷+能操流利外語（技術移民）、一係就係有潛力（升學移民）。人哋國家要嘅，係香港精英中嘅精英。」

「Tracy，如果有示威者高攀得起移民門檻，先唔好理佢哋鍾唔鍾意香港。政府嘅責任，唔係就係要留住精英咩？聽你咁堅決要送走香港嘅精英去美帝、英夷幫外國勢力打我地祖國，難道你係『真·焦土派』？你知唔知二戰有幾多猶太精英被納粹黨逼迫至要移民投靠美帝，最後參與曼哈頓計劃幫美帝研發核彈，打敗軸心國？」

「所以 Tracy 你叫示威者移民，有能力移民嘅，帶走嘅係香港嘅資金同埋技術；帶走嘅係香港嘅未來，去幫美帝打我地祖國。冇能力移民嘅，你叫佢移民，你講嚟托咩？」

跟住Tracy就突然向我咆哮：「 咩啊！邊有得咁好俾你地移民去歐美國家呀？你哋去就梗係去嗰啲打緊仗嘅第三世界國家啦！」

「咁你早響啦，依家香港咪就係打緊仗嘅第三世界國家囉，洗鬼移民咩。」（註）

****

故仔講完。

我呢啲靠寫文、口水搵食嘅人最鍾意就係同人理論。和藍絲理論，不需要談政治，只需要論邏輯。每次的目標，就是要用最短的時間將別人的邏輯K.O.。

師父教落："You don't have to take every point under the sun.  Pick your best points." （「選擇你最好的論點，唔需要乜都抝一餐。」）

政治，總帶點主觀成份；邏輯，卻是stone-cold 的客觀。

很多時候，和藍絲的討論都會集中在主觀（沒有共識）的層面上。例如，別人 challenge 你「示威者你們不喜歡香港你們便應移民。」最普遍的回答就是「為何你說示威者的行為代表不喜歡香港？」「為何要我走不是你走？」

通常一開始這些討論，就會進入無限輪迴，因為黃藍兩方對於「什麼行為是愛香港」、「誰人要移民」完全沒有共識。

所以最好 engage 藍絲言論的方法，就是 "Even if I accept everything you said, you're still wrong."（「假設我完全接受你所有說的東西，你仍然是錯的。」）

所以當藍絲 challenge 我「你咁討厭香港，點解你唔移民」，我會答佢：「香港有能力移民的人，都係精英。除非你意旨要香港流失精英於美帝、英夷，助外國勢力亡己之國，否則這些人應該是政府極力要保留的下一代。冇能力移民外地的人，除非你俾錢佢走，otherwise 你想佢移民佢都走唔到。」

當藍絲challenge 我「啲曱甴全部都係收美國佬錢出嚟示威」，我會答佢：「假設示威者搞事真係因為收美國佬錢，咁大陸出多一倍錢，啲曱甴咪唔會出嚟搞事囉。大陸唔係冇錢；唔出，一係就係唔想出（即係政府唔想維穩啦），一係就係唔關錢事囉。」（詳見「蝦餃論」：https://www.facebook.com/photo.php?fbid=10213585721430569&set=a.2225834378565&type=3&theater）

當藍絲 challenge 我「你哋班示威者封咗條路，搞到我返唔到工，好自私」，我會答佢「假設示威者真係自私，除非你返工份糧捐左佢，佢哋封咗條路其實都只係阻住你冇得自私搵食。個問題歸根究底係政府冇一個政治系統（如雙普選、合法遊行）令示威者可以用唔自私嘅方法表達訴求。」（詳見「自私論」：https://www.facebook.com/photo.php?fbid=10213572030768311&set=a.2225834378565&type=3&theater）

所有理性討論，需要嘅其實係 common ground。就算最冇邏輯嘅人，討論都要需要一定程度嘅立論基礎。「以子之矛，攻子之盾」嘅道理其實就係咁。

****

（註：伊拉克爆發全國大規模反政府示威近一周；伊拉克軍方曾出動水炮車、實彈及橡膠子彈鎮壓示威者，而軍方首度承認，曾使用「過度武力」鎮壓。伊拉克總理邁赫迪下令，將軍方部隊替換成警察部隊，並下令成立由獨立委員會，對事件進行調查。

所以 sadly 其實係有第三世界國家比香港還好。）

#不談政治只論邏輯 #移民論

⌘ 從我的 iPhone 傳送 ⌘