【特首選戰】曾俊華新片勁洋蔥！願港人不再為時事unfriend動怒
獲160個提名、率先入閘成為特首候選人的曾俊華，下午在facebook上載入閘後首段競選短片，找來多人為其讀白，表明要「建立番一個有規有矩嘅制度、一個睇新聞唔會睇到好嬲嘅朝頭早、一個唔會因為唔同立場而unfriend朋友嘅社會」。不少網民看後均大讚對白貼地、夠感動，甚至睇到眼濕濕。片段上載短短3小時，已獲逾1.6萬人讚好或給心心，逾2,000人轉載。
曾俊華在解說寫道，「這些年，我們熟悉的香港，變得愈來愈陌生」，港人因政見不同，unfriend facebook朋友、退出WhatsApp群組，親人甚至為新聞時事而吵架，「到底我們要重蹈過去5年的撕裂爭拗，還是要走出一條新的和諧道路，我相信每一個人都早有答案」。
【網民點睇】
Florence Chan：看到流眼淚。明明只是數年前的香港，為何會變得如此陌生？那是久違了的法治、自由、公義、安全、理性的香港。
Samson Chai：睇到眼濕濕……
Fanny Chau：好感動！這幾年睇新聞睇到人都癲，朋友因為政見不同，已不再見面，家庭聚會，唔講政治，免得不歡而散！真的好累。
Kitman Chan：不得不佩服薯片叔叔嘅PR團隊。夠落地、贏民心，拍條片夠touching、夠親民，道出一邊藍與黃兩邊嘅問題。我亦因為政見上嘅不同，與朋友吵到面紅耳赤，unfriend了、割席了。
⌘ 從我的 iPhone 傳送 ⌘
沒有留言:
張貼留言