熱血時報 | 你只係「自私」，唔係「黃絲」 | 八神 | 熱血頻道

唔好下下都強調自己係黃絲。

你可能認為這一刻仲可以好理性咁，歎住杯咖啡睇新聞，然後對住個mon黎評論時事，以「斯斯文文寫信投訴遊行捐錢叫囂拉布請願簽名跳海絕食衝擊演講唱歌跳舞」黎改變香港的話，我想講，你只係一隻「黃絲豬」。

根本以上可做的，之前已做了很多次，你諗到的可行的，人地都已經一早做晒。唔係得你一個係天下無敵聰明絕頂諗到以上的「好橋」。我地每個人應該都多關心社會，唔可以下下因為涉足政治而只懂食花生。到出左事時，你只可以怪自己冇留意個社會發生咩事，你仲留係自己個世界不停自轉，唔理太陽系的公轉。

香港人曾經係非常理性，非常和平去處理每一件事，結果呢？政府會理你嗎？傾唔掂數的話，政府只會放警犬黎招呼你。加上黑警的濫暴及放肆，做成超級的民怨爆發，你不認同，只因係未燒到你身上。

但請明白，人可以有無緣無故的愛，但沒有無緣無故的恨。可記得雨傘革命時，黑警對市民的侮辱、老屈、非禮、縱容黑社會打人、暗角、以胸襲警等事件，都叫人氣吞不下。

你相信有法律制裁？你又冇留意新聞嗎？

暗角七警而家死左去邊？

朱經緯打完市民就順利退休。

以胸襲警的女士仲上訴緊。

再睇埋銅鑼灣書店事件，有5個人仲未可以返香港的家過年。香港黑警面對事件的態度是「拖」與「懦弱」，對示威者先識惡。恰自己人但又懼怕外敵的本質，同解放軍無異。

之後，又就黎好有可能通過「網絡23條」，連上網share下、發洩下都可以隨時變左刑事，誤墮法網，政府話告你就告你而欠缺清晰準則，真係隨時無端端坐監都唔知咩事。你仲點叫年青人都未來的香港有希望？

還可以搵到兩餐夠生活的港豬們，你真係覺得自己可以置身事外嗎？你真係覺得政治可以唔關你事嗎？

你仲仍然覺得香港有真正的「言論自由」嗎？你仲覺得中共要打壓需要口實嗎？

你真係覺得你每年去左「春秋二祭」6471的遊行及捐錢，就叫做「為香港付出了」嗎？

今天，大家仲覺得可以和理非的話，只因你未夠了解當刻形勢，繼續自有自的離地生活，而香港仲有好多人係備受壓迫而你係選擇ignore，咁樣你只係「自私」，唔係「黃絲」。

#TVB食屎啦下下叫人暴徒

#其實黑警先至係真正暴徒

從我的 iPhone 傳送

老花筆記本