《沒有金牌就是一坨屎》
有關中國今次在奧運會想講嘅實在太多， 不過趁住羽毛球男雙失落金牌之際，同大家熱身一下，之後想講嘅應該更加流暢。
香港呢個殖民地窮得只有錢。民生市政，教育體育，都冇喺龐大嘅庫存之下得到足夠嘅資源發展。好多運動員都係自己頂硬上，直到得到勝利光榮一刻，呢個已經係常識。
所以香港運動員無論得到乜嘢獎牌，甚至乎係達到記錄以來最高名次，都會得到香港人嘅祝福。何詩蓓嘅兩個銀牌，人人都覺得佢係超人，冇人覺得有半點遺憾。
但係向來一定要做世界第一嘅中國人唔係咁諗。金牌以外，乜嘢都係一pat屎。 打到世界最勁頭三位，分別微乎其微，有時係表現，有時係運氣。 但係好似呢場比賽，中國兩個運動員攞唔到金牌，就畀全中國嘅人剷到上天花板。 喺旁觀者嘅眼中我真係會問一句: "咁叻，不如你上?"
當然喺比賽之外，硬係要附加一啲價值觀，例如中國不能輸給日本鬼子，中國不能輸給台灣省，香港只是小老二，英國是日落帝國，美國是世界霸權，諸如此類，全世界對手都係"面子攸關 非贏不可"，其實諗下，會唔會就係自己將自己趕入牆角??
如果話中國運動員壓力大，咁壓力都係來自全國，又唔識，又要諸多批評嘅觀眾。當然官方係有絕對責任形成呢個氣氛，呢啲就下一篇文先至講。
真正愛國，國家運動員無量贏到乜嘢獎牌都係真心高興同覺得光榮。加拿大運動員無論攞到乜嘢獎牌都係咁開心，" 嘩，攞到銀牌好犀利，真係好叻!" 加拿大人都係會咁諗。運動員窮畢生精力訓練，無論結果係點，都應該畀佢哋覺得開開心心。
一日冇辦法放低對金牌嘅執念，一日未學識尊重對手，呢個國家同真正大國嘅定義就係有一段宇宙級嘅距離。
自己睇圖，中國網民嗰啲反應唔係作出嚟嘅。
⌘ 從我的 iPhone 傳送 ⌘
沒有留言:
張貼留言