大家唔知仲記唔記得，店主係之前送送下外賣個陣無拉拉畀黑警㩒低咗，仲倒瀉咗個外賣。搞到今日，店主終於上法庭。而罪名係：
無合理權限及需要策騎一輛滑板車。
聽到依條罪名，相信好多人第一個反應就係「吓？踩滑板車都有罪？」
我地可以答你，係啊，唔止有罪，仲要係刑事嚟。
而店主收到依張告票個陣，第一時間當然係搵律師咨詢。但因為從來未有案例，所以律師都話勝負難料。但都有一啲可以反駁嘅論點。
當上到庭之後，店主當然選擇唔認罪，並就每一個論點向法官陳述。而法官耐心聽完之後，覺得店主抗辯嘅理據唔夠充分。再上堂都好大機會輸。輸咗會有再嚴重嘅刑罰（最高罰款五百及入獄三個月）
罰五百店主可以畀，但入獄嘅話，無咗店主《㗎仔飯》就肯定會結業。所以係堂上深思熟慮之後選擇咗認罪。而法官睇到店主情況，都判咗當時提堂時間最輕嘅判決，罰款二百。可謂從輕發落。
店主感謝法官耐心嘅聆聽，都認為佢係一個好官先勸告店主認罪。但同間好感嘆。香港唔知幾時變咗一個連用腳踏滑板車送外賣都係刑事，但黑警好似城管一樣隨便係街推低人，倒瀉人地個外賣就乜事都無嘅地方。
講到依到我地依一刻都好無奈，但從來都無想放棄依個地方。
我地會繼續一齊想依個地方變得更好。
香港依加每一日都發生緊一啲好荒謬嘅事。
但我地相信，有一日香港可以撥亂反正。
大家可以再搵到自己嘅生存空間，搵返自己嘅笑容。
香港加油！
⌘ 從我的 iPhone 傳送 ⌘
沒有留言:
張貼留言