劍蘭海遍地開花元朗信哥：係好靚不過好傷

2016-01-27 16:15:00 HKT

檢視花芽有否被凍壞,要用小刀割開,像解剖。 (馬泉崇攝)

這陣子的香港，何止政治氣候異常，天氣一樣難以預測。走進本地花農梁日信位於元朗新田的花田，應節的萬朵劍蘭早遍地開花。「之前係最暖嘅小寒，搞到啲花早咗3星期開，無一陣就凍到落冰雨，呢批花，由佢喺田度開，自己欣賞就好」。劍蘭艷紅，一片燦爛。別人眼中的美景，卻是老農的傷心事。難得血本無歸的信哥，仍然笑得出。「做得農夫，就要聽天由命，唔豁達唔得」。置身奇異花海的信哥如是說。

記者　呂麗嬋 59年來最凍的低溫，造就賞冰人潮，也觸發一場百人受困山林的山難，但對於64歲的花農信哥來說，卻是「雪上加冰」。「早兩日，見到啲雨會跳，原來都係冰粒，我60幾歲人都係第一次見」。田地處身新界大西北，溫度較市區低幾度，無暇賞冰的信哥，忙不及張開大網護花。這天，稍為暖和，他就和太太May姐，夾手夾腳下田，摩打手切割含苞待放的香水百合，「未必趕得切農曆年，唯有平啲賣出去」。不是太暖，就是太凍，百年一遇的天氣，投資逾廿萬的年花，七零八落。「遍地開花係好靚，唔係點會咁多市民湧去賞花賞紅葉，但對於花農嚟講，就代表一殼眼淚」。足球場大小的花田，種上25萬株年花，大部份是火紅劍蘭。只是，早前暖和的聖誕，令其中2萬株提早開花，剩下的，就因週日連場冰雨，生死未卜。「得兩個人做，開咗嗰幾萬朵劍蘭，根本割唔切，由得佢喺田度，當留俾自己欣賞，影張相留念就好」。種植劍蘭，由種子到成熟「露出眼晴」，需時13至15週。信哥說，10至12月，是撒種子的季節。「事前要鬆土、殺蟲，之後又保持土壤濕潤但又不能過濕，以免球莖容易腐爛」。劍蘭是熱帶植物，溫度約20度為宜，最怕嚴寒天氣，株弱的可瞬間凋零。「種植，永遠軚弱留強，要逐枝睇，好似解剖咁，切開花蕾睇入面啲花芽有無凍死凍傷」。未來數天是關鍵期，信哥直言，只一半收成已心願。自小已跟隨老父種田，7兄弟姐妹中，只剩他仍留守花田，「做埋我哋呢代，肯定後繼無人，但有得做一定做落去，隔離個阿婆今年90，一樣日日落田」。對於漁護署在「冰災」後翌日，向本地農民發放緊急救濟金，他舉起大拇指，「做得好，一定要讚，唔使人鬧、唔使成立跨部門小組，反應好快，如果個個政府部門都係咁，香港點使咁愁」。