http://www.passiontimes.hk/

熱血時報 | 條村被殖民，班村民點諗？ | Ronald Chiu | 專欄部落

村民：村長，乜你唔係話我哋同隔離村行兩種制度嘅咩？
村長：梗係啦。不過我只想幫吓隔離村，佢太多人太迫。就每日接收150人啦。除番開每小時6.25個喳，一啲都唔多。
村民：係咁喳嘩？咁都好啲。

（再過一排）
村民：村長，咦，乜唔係話每日接收150人咩？點解又話引入技術人士？
村長：哦，因為佢哋嚟到會幫助經濟發展。益我哋㗎！
村民：係咁喳嘩？咁都好啲。

（又過一排）
村民：村長，咦，乜唔係話技術人士咩？點解又話引入非技術人士？
村長：哦，我哋條村勁，有咁多職位。當益吓佢哋囉。
村民：係咁喳嘩？咁都好啲。

（又過一排）
村民：村長，咦，乜佢哋唔係住夠幾年有本村村民身份先可以攞本村福利咩？
村長：包容吓啦。人哋咁慘。
村民：係咁喳嘩？咁都好啲。

（又過一排）
村民：村長，咦，乜唔係話攞下福利喳咩？點解連偷渡嚟本村都可以大搖大擺「行街」？
村長：包容吓啦。人哋咁慘。
村民：係咁喳嘩？咁都好啲。
------------------------------------

（再過幾年）

村民：喂村長，我發現我哋原居民已經變咗小數喎。點先？趕隔離村新移民走啦！

村長：你都識講你哋係小數啦，你憑咩趕人走呀？當日我擺明到就係「殖民」啦，你佔多數時都唔反抗，一味袋住先。你哋袋吓袋吓，越袋越多咪抵你死囉！

嗱！而家佔多數嘅「新村民」已經通過新村規：由聽日開始，本村要講隔離村嘅「鬼話」同寫「鬼字」，同埋執行佢哋隔離村嘅法例。你出街唔夠肥仔打就預咗俾人打死囉。呢個世界弱肉強食、適者生存呀嘛！非常合理㗎！

仲有，我做村長咁多都搵夠喇。我聽日移民。當日連人哋同我講一句「落地獄」你都話「激進」、「偏激」，你等我走咗先開始鬧啦。你唔係村民，你係豬喳！拜拜！

（完）

從我的 iPhone 傳送