中國駐英使館一句「英國殖民統治150多年間香港居民一直是港英政府壓迫的對象」，搞到忍唔住寫下英殖壓迫的鐵證，點知一石激起千重浪，香港人個個義憤填胸(林鄭語)，將自己被壓迫的經歷寫晒出嚟。
為咗進一步揭露港英壓迫嘅殘酷，我精選咗一啲令人髮指嘅壓迫，輯錄出嚟，讓大家認清港英的醜陋面目。
排名不分先後左右忠奸：
破壞漁村的純撲
- 最PK 就係英國佬張一個漁港打做成國際金融中心
- 就是，幸福的小漁村搞成萬惡的資本主義中心
- 迫一個漁港變金融中心，幾甘殘忍。
- 如果唔係英國，香港早已成為全球第一漁港。
- 好在阿爺出手，將香港慢慢變返到一個小魚村。
強迫教育
- 被英國壓迫9年免費教育……
- 我本來小學諗住輟學，出來搵錢炒樓發達，係港英迫我讀書，迫我讀到大學，搞到我變咗窮L！
-我本來立志成為一個文盲，點L知識咗兩文三語，學咗又攞唔番出嚟，呢一生就此毀了！！
- 搞到幾多有天才嘅兒童唔做嘢，困起學校讀書，浪費青春，其心可誅。
- 美其名叫免費迫我讀咗九年書，我受夠了！！所以移民去外國讀書！
- 迫我哋填鴨教育！兩文三語！好辛苦！荼毒我哋下一代！
- 英國佬迫我幼稚園BB班開始就要學英文ABC，小學三年班就要學grammar文法!!
- 我原本想躺平，卻有9年免費迫我讀書，香港成為發達城市，被迫我要跟著上進向上。
成立ICAC迫害忠良
- 搞埋啲咩廉政公署，破壞華人官場傳統
- 使到啲想收賄受賄嘅人冇啖好食！
- 逼走當時香港D華探長
- 進一步壓迫香港人唔準貪污，完全係撕毀中國傳統文化
亂起基建
- 臨走仲要起個新機場。
- 英國佬最衰就係當年搞嗰個「香港玫瑰園嘅十大核心工程」，大那那用咗差唔多千六億，又機場、又青馬大橋、整埋幾條交通主要幹道不特止，仲整埋個東涌新市鎮出嚟🤬🤬好哋哋個機場喺番啟德咪算囉，至少去完啟德機場，可以行去九龍城食泰國菜嘛！🤬🤬🤬
- 多得港英政府壓迫，依家香港先有個獲獎無數嘅著名國際機場，好地地用返啟德機場咪好
- 無超支，完全破壞基建超支既風氣！
- 起咁多基建，好似水塘之類，成百幾年都唔冧
迫人做經濟奴隸
- 迫香港做亞洲四小龍，迫香港成為有自由既城市！！
- 壓逼香港連續10年成為全球最自由經濟體
- 夾硬留低成萬億外匯儲備！搞到香港咁有錢，啲人無曬上進心，廢青一定就係咁樣培養出嚟。
強迫向上流動
- 一出世已經迫我打卡介苗同種豆，痛架嘛仲要手腳都留下烙印致今未能遺忘， 之後又要強迫我讀左9年書，攪到去玩都冇心機，家陣唸返起都傷心，英國佬呢D惡行我一世都唔會忘記。
- 我細個晌新界跟老豆種菜養豬, 純情鄉下妹一名, 港英政府硬係要我讀書, 學英文, 攪到我大個女要去做文員, 仲做到管理級, 直情係壓迫啦!
- 當年迫我地一家同親戚上哂公屋，要我地安居樂業，乖乖咁做個市民，簡直罪大惡極！
- 有啲公屋仲有海景，好似華富，搞到人風濕
生活壓迫
- 英女皇生日唔比人返學
- 唔俾食狗肉，唔俾娶妾侍
- 麥里浩整左條成100KM行山徑,目的系操死你哋班港人………
- 英殖壓迫下，大陸好多人冒死偷渡嚟香港；英殖壓迫下，好多大陸年輕女仔為左香港lD都甘願嫁個窮鬼亞伯；英殖壓迫下，D公務員富豪仔女被迫去英國留學⋯⋯英殖壓迫下，香港被迫成為東方之珠。真陰功😢
- 港英政府一迫香港人，要過半市民住在平租金的公共房屋，清折寮屋時唔俾人露宿瞓街，一定住公屋，再推居屋壓迫公屋富戶自置物業；港英政府二迫父母，送子女入讀免費中小學，冇得做童工開車門
- 我地一家由細到大間公屋得厠所冇會所!
- 港英政府真係好仆街，明明我出世就有板間房住，後來夾硬逼我上公屋，又搞啲咩野九年免費教育出來逼我識字，令我做不成文盲，唔識寫殘體字，搞到我抄親校規都要用繁體字，多年來寫多幾多筆劃，英國佬你賠唔賠得起？😡
- 港英政在房屋政策上，除興建公屋，亦鼓勵私人發展商興建更多私人住宅及豪宅，迫使香港人為咗上樓住豪宅，現在變成樓奴
- 當時殖民政府揾人放火燒石硤尾五條村木屋及後安置災民到徙置區難民營，有石硤尾村，黃大仙村和佐敦谷村，還要壓迫災民交每月約不用十元的租金，真係罪大惡極的大英帝國的爪牙！
- 80年代興建地下鐵路，把成千上萬名市民進一步每日壓迫在峽小空間，喘不過氣來…….
迫害人民
- 想當年所謂港督會大搖大擺行入人群中食蛋撻 飲涼茶等等 簡直係強搶民脂民膏！😡
- 壓迫到你班舊公務員有長糧喔😆
- 英女皇生日都要逼人放假
- 仲有跑馬同六合彩，簡直麻痹人心
- 最甚就是資助公務員及其子女去英國培訓及留學；689 &777所以深受其痛、禍及家人！好很同情！！
亂搞體育
- 英國足球直播時數呈火箭式飆升，「播毒」效果致吸納大量英格蘭球迷，每次國際賽開賽前開住電視高唱天佑女皇，散播戀殖心懷簡直昭然若揭
- 英國又將足球發揚光大，搞到香港人掛住睇波，不事生產。仲引入美國運動用品品牌，令唔睇足球嗰啲就走去打籃球。又鼓勵全民運動，唔踏足球、唔打籃球嘅，就崇日打棒球
- 仲有，成日迫我地睇埋啲高Q大腳， 冇文化嘅英國足球。
其他憤怒的咆吼
- 香港人受英國人壓迫咁慘，點解還要一国兩制 ?
- 咁黨係米都被迫簽約50年不變，繼續壓迫香港人牙？？！
- 依家英國人比你去英國，要繼續壓逼你。
很有用的建議
- 把每個壓迫故事拍一集，集數肯肯定超越 #愛回家!
- 呢啲反英殖作品, 點解TVB唔拍? 拍返套「愛回殖」啦
- 我覺得好應該將這些鐵一般的事實加入現時的常識科教育範圍內, 並將其例入必考範圍, 若考生未能取得滿分成績便視為劣等學生
⌘ 從我的 iPhone 傳送 ⌘
沒有留言:
張貼留言