【網友分享】給每個為香港痛心的人:
要贏始終都係要民心💪
各位勇者已為我地打左頭關，
揭示香港政警黑的醜陋，
吸納左一班支持者，係成功的一步。
但要繼續食住個勢，我地就要變。777而家轉陣，搞分化搞抹黑，我地而家要成功就要再吸多d中間同淺粉藍(深藍就算吧啦～) 。
運動至今，勇武/前線呢日日食煙受傷，full gear 攞對腳行足成日…每秒保持警剔狀態…精神上肉體上的消耗，冇落過場的係唔會明… 所以和理非叫佢地退，前線扯晒火，係完全可以理解。但市民呢，問心嗰句，佢地都係個個星期出黎行，日日share post/loop fb tg 連登 ，晚晚睇live 擔心前線受傷被捕…不停爆粗… 為左lee 件事流左幾多眼淚…唔好話市民唔攰冇付出…
其實…我地香港人每個人都好攰…係個心好攰…
但係我地唔好因為攰，而互相指責埋怨(咁就中左柒婆圈套:兩極分化)，唔好因為扯火忘記左我地本身追求的野!!民主!自由!
民主社會的三大基礎中(民心,民意,民智)，民心係情感上，非理性的。
「民意可以有分歧，並且可以通過民智對辯，但民心只有一個。民心歸一，並不是民粹主義，而是在最根柢處，以同理心去體會民之所欲和所惡。(註一)」
所以要記住民心永遠係最緊要 (正如黃大仙街坊例子)，有民心就有人撐，前線多左支持就唔會孤獨。721元朗白衫，警黑鈎結，雷射筆老屈事件…正正就係政府的完美助攻，令一d對反送中冇留意的市民都衝出黎，民心歸向。
反觀五年前的雨傘運動，就係因為堵塞要道太耐，影響市民日常生活，導致民意逆轉，令運動失敗。
所以我地要贏，就要先贏有民心!!
啫係點？簡單黎講就係要比香港人想要的佢地/唔好乞佢地憎，而家要做的係反思同尋求新的運動形式。
首先，遊行，集合，罷工，堵路，衝擊，塞地鐵，圍警局，搞中聯辦，搞眾籌賣廣告…… lee兩個月香港人用左無限方法控訴，撇除政府態度 (淨係識無限譴責)， 百萬人和平遊行同學生跪地道歉，成功以動之以情的方法贏取民心。但最乞中間同淺藍憎的應該係塞地鐵/堵路 ，正正就係雨傘失敗的其中一點，因為對於政治冷感的中間市民，佢地關心的係佢地頭家，而唔係各家，所以各位應該做定唔再做？應該開闢新抗爭手法定做返之前做過的？
另外，而家一般市民對政府最不滿，唔係送中的問題，係警權過大，警黑合作，我地要市民更嬲政府先可以令更多人企我地lee邊。有左民心，我地就可以教育同灌輸更多反送中的資訊比佢地，建立民智! 所以而家最緊要係努力將警黑問題放大，令市民對警察政府更失信心。 但而家日日都有放tg防暴的新聞，根本媒體就冇時間去迫政府回應，記者傳媒朋友響記召都冇空間去掘黑歷史(見到利君雅響警記召追問得咁辛苦就明我講乜)，所以我地係咪可以比d空間傳媒們出手? 而唔係而家日日比差佬入？要明白好多低民智的人日日聽班差佬記召9up...久而久之，抗爭者就會再次被扣上搞事的帽子，民心就會逆轉，運動成功的機會就會大減。
最後，而家抗爭者面對緊一個會令運動走向失敗的問題，就係內部分化。其實勇武同溫和派一開始的目標係完全一樣，但經過兩個多月的洗禮，加上政府出招分化，警察恐嚇會進行大拘捕，各位心態可能會有改變，咁樣係完全可以理解。而家政府出招不停抹黑黑衫，每日放鬼同搵野挑釁抗爭者，目的就係想令民意歸向政府，贏返一仗，但係我地係唔可以比lee.個機會佢，內部一定唔可以亂，一個都不能少。所以無論勇武定和理非，老套d講句，我地都係好愛大家，一出煙勇武一定不顧一切保護大家，勇武有事和理非撻拖都會落樓聲援，雖然各位的手法唔同，但我相信為左我地愛的香港，我地可以和而不同，共同爭取，所以黎緊大家要行的路要智取，多d抽身了解同體諒戰友，企埋響政府同藍絲角度 ，知己知彼。衝擊定留守各有各做，能力做到幾多咪幾多，但最最緊要記住，我地係一家人，只係用唔同手法去為我地共同所珍惜的爭取，我地要繼續努力團結守護我地的家 · 香港。
兄弟爬山，各自努力，不撤不退，萬事小心!
HongKonger
⌘ 從我的 iPhone 傳送 ⌘
