【文明世界同中國講文明就係蝕章】
雖然唔甘心，但係蓬佩奧出手叫中國放返加拿大兩個人質，的確係比加拿大開口係大聲同有力得多。
加拿大做慣細佬，當日美國想扣留孟晚舟就搵加拿大出手，加拿大又真係做，結果就搞到有兩個加拿大人比中國扣留做人質。同中國呢啲流氓國家打交道，有呢啲舉動就預咗。不過想講嘅係， 對於中國係唔適宜用文明世界嘅規矩。
孟晚舟呢啲賊婆，享受文明世界「未判罪就係自由」嘅文明規則，保釋期間不過自由受到限制，仍然可以係自己屋企身光頸靚，朋友探望如常，不知幾過癮。
相反兩個加拿大人，每個月淨係可以見領事30分鐘，交代下平安，攞幾本書返去睇。完全係坐監一樣。呢一兩個月，仲話因為疫情連三十分鐘見面都冇埋。
上個月孟晚舟諗住自己一定冇事。但係加拿大法院跟進法例程序去審引渡 case， 的確係有足夠證據去引渡，咁就判孟晚舟嘅引渡程序繼續。中國跟手就即刻對兩個加拿大人增加新嘅控罪、、、
所以文明世界個個跟法律，係冇辦法招呼中國呢啲「啱佢就法律，唔啱就改法律」咁嘅流氓國家。要救嗰兩個加拿大人，除咗外交手腕要夠硬之外，真係唔適合對孟晚舟太好人。 如果加拿大人質嘅待遇無改善，就應該將呢個賊婆還押監房。
同樣嘅道理，亦都適用於本部喺美國嘅社交媒體。喺雙方冇對等嘅資訊自由之下，係唔應該畀中國嘅任何官方媒體/人物有帳號。唔係嘅話，中國呢啲流氓就會用人地自由嘅規矩搞搞震。
最後睇下中國點樣對加拿大人質，就知道國安法講到自己幾咁文明，裏面始終都係流氓盜賊本質，只要睇中國意願就講乜嘢做乜嘢都得，絕對冇得講道理。
中國信得過，豬乸都會上樹。
新聞連結:
https://www.cnn.com/2020/06/22/asia/pompeo-us-canada-china-kovrig-spavor-intl-hnk/index.html
⌘ 從我的 iPhone 傳送 ⌘
沒有留言:
張貼留言