我大約4點幾去到票站，就排隊登記拎選票，到我既時候我望住個職員翻個本選民登記冊，去到我個名時就見到大大條紅色線已經刪左係我個名上面，個職員就同我講：「小姐，你已經投左票喇喎！」我即刻打個突話：「下？我岩岩先到咋喎，點會投左呀？」之後佢地就通知票站主任，然後就叫我行埋去旁邊同個主任傾。
主任一開口已經口窒窒，一味淨係話：「咁而家跟返個程序，我就會比返張tendered票你投。」我即刻問張票有咩野用途。佢答：「咁其實張票上面會蓋個寫住已重複既印，咁你投左之後，亦唔會計落個選舉結果到。」我即係無名火起問：「咁投黎有咩野用呀？投完又唔計！咁即係廢票啦！」旁邊有個師奶工作人員搭咀：「小姐，咁又唔係廢票既！」我即刻嬲撚到爆粗：「投完又唔撚計落去選舉結果到既，咁呢張唔撚係廢票！？係乜撚野呀？」個兩個人即刻呆左唔出聲。
之後我就不停追問究竟投張廢票之外，仲有咩野可以做去follow up，我話而家一係就你地職員劃錯，一係就係我身份證比人盗用，我就問可唔可以報警？個主任就答：「報警都無用嫁！」我問：「下？點解呀？新聞都有報個選舉管理委員會馮驊話可用身分證副本去投票啦！咁我極有可能係被人盗用身分證喎！」之後佢地即刻異話同聲話無收過咁既指示，我話但係新聞報晒喇喎！個主任夠膽死答我：「唔好信新聞呀！」係咪痴孖筋呀？我即刻話：「新聞都唔可信？唔通信你呀？」之後佢又係無聲出。咁我不停追問可以做咩既時候？佢終於答我話可以幫我開case，寫底投訴比選委會跟進。
咁我就坐底等佢地幫我填form，與此同時我打比我男朋友講返個情況，當時我已經情緒崩潰，不停咁喊，我男朋友就提我一定要記底班主任同登記個幾個職員既名。收線後就開始填Form，其實佢地仲係咁想叫我投左票先，我心諗個張咁既廢票投唔投都無撚用，唔該拿拿聲開case啦！個主任都係不停咁用「我覺得」、「我認為」既字眼，真係好撚嬲，所以我投訴既除左係被人投左票之外，亦都投訴整個投訴過程十分兒戲，其實係有可能被盗用身份證，但又唔可以報警？究竟係乜撚野邏輯？
填完之後，簽左個名，要求佢地寫底晒D職員名之後，我就投埋張假票就離開左個票站。投個張假票又係忍唔住係咁喊，我從來無諗過我會被剝奪投票權，由七一上街、反國教、雨革、再到初二魚旦革命，最後上次既新東補選，我都覺得起碼我都仲有自由出去表達我既意見，或者去投我心儀既候選人，但由梁天崎被DQ個下，我已經好好好好失望，咁諗住ALLin梁頌恆，都仲算有得擇。但當我去到見自己個名被刪左，而票站既職員又係一班呀姨呀叔係到不知所措既時候，我就感覺係悲痛多過忿怒，我喊係因為呢選舉已經不知所謂到呢個地步，連一個合資格既選民都無法投自己心儀既人，所以點解我咁痛恨左膠泛民？因為人地而家係同你打爛仔交呀！你仲同人和理非非？乜撚雷動計劃？你無撚有病呀？
最後淨係想呼籲仲未投票既，唔該請9衝落去票站，你仲有20分鐘！如果連選民都未登記既，唔該你反省下你做人既意義係乜撚野？反省完就拿拿聲去登記返做選民！
p.s 張相係票站職員既名字同我個case number
p.s.s 單單係我自己既wtsapp group，除左我之外已經有兩個朋友有同樣經歷，可想而知之前雲海揭露既事情係真，成個選舉程序根本就勁多漏洞！
p.s.s.s 其實點解成個登記過程可以咁兒戲？就咁搵個職員係本簿到劃一下就得，其實我地身分證有晶片，點解唔係用D高科技去掃描個晶片做登記呢？
p.s.s.s.s 可以Share，一直都係Public
從我的 iPhone 傳送
沒有留言:
張貼留言