2012年11月02日
新聞 P.18
人在中環 - CK: 電郵無止境
跟舊朋友吃午飯，朋友把blackberry放在桌上。席間我看見那blackberry上的燈閃過不停。我忍不住問：「老友，查實你一日收幾多個email呢？」
「千幾個左右啩......」朋友說得輕鬆：「我其實自己都唔係好肯定個數目，不過我唔算多啦。我啲上司收得仲多呀。」
我假設一個人平均只用30秒去閱讀一個電郵，一日有一千封要讀的話，即是就要用上8個小時以上。一天的「官方」工作時間也不過是8個小時，難怪香港人的OT情況那麼嚴重。電郵是近20年才流行起來的工具，它的出現，為我們帶來很多方便。但當一件發明帶來太多方便，每個人事無大小有理無理都send一大堆電郵出去傳達消息，到達了一個人根本無法完全消化的地步，那麼這件「發明」還剩下多少價值？
「一千個電郵裡面，起碼有九百個你係唔會睇啦！」朋友說：「響大公司裡面工作，個個都怕孭鑊，所以為咗自保，凡親有乜稍有風險嘅動作，就電郵CC晒俾全世界。CC咗俾人，等於同人講：『嗱，我通知咗你啦，有乜事你唔好賴我呀』咁囉。電郵係推卸責任嘅工具之嘛。你唔用就笨啦。」
類似的講法，我聽過許多在大機構工作的人講過。經過多年的演進，「電郵」的真正價值，大概已從一個快速「互通消息」的工具，變成另類Black and White的自保工具。萬一遇上訴訟，這堆永遠都讀不完的電郵，分分鐘變成救命的呈堂證供。
周三、五刊登
本文章內容之版權由AM730所有。
從我的 iPhone 傳送
沒有留言:
張貼留言